Jennifer Lawrence i kërkoi Robert De Niros të largohej nga dasma e saj me Cooke Maroney pasi ajo mendoi se kushtet nuk ishin aq të mira.
Gjatë bisedës në tapetin e kuq me “E! News” në çmimet Golden Globe 2024, aktorja zbuloi se dasma e saj u bë super “stresuese” dhe ajo filloi të shqetësohej për të ftuarit e saj.
“Është kaq stresuese,” kujton ajo. “Në dasmën tënde nuk argëtohesh, ti thjsht mendon: A po argëtohet ky apo ai person?”
“Nuk do ta harroj kurrë, po shqetësohesha për të ftuarit që kishin ftohtë”, zbuloi ajo. “Dhe të gjithë miqtë e mi po gënjenin duke thënë: “Askush nuk ka ftohtë, askush nuk ka ftohtë, gjithçka është në rregull, gjithçka është në rregull”.
Lawrence dhe Maroney mbajtën një dasmë për 150 të ftuarit e tyre në Belcourt të Newport, një rezidencë e bukur dhe luksoze në Rhode Island. Lista e të ftuarve përfshinte Adele, Amy Schumer, Kris Jenner, Emma Stone, Ashley Olsen, Nicole Richie, Joel Madden, Cameron Diaz, Sienna Miller dhe De Niro, 80, me të cilët ajo luajti në vitin 2012 në “Silver Linings Playbook”. , “American Hustle” i vitit 2013 dhe “Joy” i vitit 2015.
Jennifer filloi të shqetësohej veçanërisht për mirëqenien e De Niros gjatë darkës së saj.
“Pashë Robert që nuk njihte njeri dhe po ecte vërdallë dhe menjëherë mendova: “Jo, kjo s’është ajo që ai do të bëjë. S’e dua këtu. Shkova pranë tij dhe i pëshpërita: “Shko në shtëpi”. Ai ishte i sjellshëm, foli me prindërit e mi, por unë i thashë: “Shko”. Pas largimit të tij, ajo “me të vërtetë” u ndje “më mirë”.
Lawrence dhe Maroney, të cilët janë të lidhur që nga qershori 2018, u fejuan në shkurt të 2019-ës.
