Deputeti i Partisë Demokratike Saimir Korreshi, i ftuar në një intervistë televizive, tha se komisioni për Reformën Zgjedhore e ka humbur mandatin e tij që nga 5 tetori dhe se do duhet të kalojë një herë në Parlament.
Më tej, Korreshi bëri me dije se opozita do të paraqesë sot platformën e saj, të votuar nga 50 deputetë për Reformën Zgjedhore.
“Ndërkombëtarët mund të japin qëndrimet e tyre për të na ulur në tavolinë. Pastaj është Kuvendi i Shqipërisë që do ta vendosë atë. Nuk na bëjnë bëjnë dot ndërkombëtarët me një qëndrim, as na rrahin, as na burgosin.
Besoj se brenda ditës së sotme do të jetë në dispozicion platforma jonë.
Do dalim në konferencë për reformën, bashkë me gjithë komisionin e votuar nga 50 deputetët e opozitës.”
Po ashtu deputeti tha se e gjithë opozita po punon që të dalë e bashkuar kundër Ramës në zgjedhjet e ardhshme.
