Ekonomia e kinës ka pësuar një tjetër goditje. Gjykata ka firmosur falimentin e një nga kompanive më të mëdha të zhvillimit të pronave në këtë shtet. Borxhi i lënë pas prej nivelin e 333 miliardë dollarëve. Ndërsa çmimet e banesave kanë rënë me 9 për qind, fenomen që shënohet për të dytin vit radhazi
Tregu i zhvillimit të pasurive të paluajtshme në kinë ka marrë një goditje të fortë si pasojë e vendimit të gjykatës për të shpallur falimentimin e kompanisë më të madhe në këtë sektor.
“Evergrande Group”, është urdhëruar të likuidohet nga një gjykatë e Hong Kongut, pas pamundësisë së shlyerjes së një huaje të madhe. Madje dhe bisedimet e kërkuara në vitin e shkuar me kreditorë të tjerë nuk sollën një marrëveshje për të ristrukturuar huanë që shkon në 333 miliardë dollar, shifër e zbuluar në qershor të vitit të shkuar.
Tashmë trupa ka kërkuar një tjetër seancë për të përcaktuar emrin e administratorit që do të ndjekë procedurën e falimentit dhe likuidimeve. Pas përfundimit të procesit, kompania, më parë firma e dytë më e madhe e pasurive të paluajtshme në Kinë, do të pushojë së ekzistuari.
Evergrande paraqiti në mars të vitit të shkuar një plan miliarda dollarësh për të kapërcyer krizën, por gjithçka ndryshoi kur themeluesi I saj u ndalua për krime dhe u vu nën masën e arrestit
Vendimi ka sjellë dhe një lëvizje të madhe në shitjen e aksioneve duke u pasuar edhe me zhvlerësimin e menjëhershëm, veprim që u shua me bllokimin e tregtimit të tyre në bursa.
Zhvillimi i pronave në Kinë arriti majat në shkurt të vitit 2021, duke arritur në 6 trilionë dollarë, por pas kësaj janë regjistruar humbje të vazhdueshme.
Shkak për rënien e shitjeve duket se është bërë plakja e popullsisë dhe rënia e lindjeve.
Ndërkaq në vitin 2020 qeveria vendosi të ndalojë huamarrjen e pajustifikuar në një përpjekje për të ndalur të ashtuquajturën fluska e çmimit të pronave.
Në dhjetor, çmimet e shtëpive të reja ranë me 9.6%, një zhvlerësim që vazhdon në dy vite më radhë.
