Ministri i Brendshëm Taulant Balla ka zhvilluar një takim me zyrtarë të policisë së Durrësit duke kryer analizën vjetore të këtij departamenti.
Balla kërkoi rihetim të 50 ngjarjeve të rënda kriminale të ndodhura në qarkun e Durrësit në 30 vitet e fundit.
“Pjesë e analizës sot në Drejtorinë e Policisë së Durrësit ishte edhe rihapja e dosjeve të vjetra, për mbi 50 ngjarje të rënda kriminale. Por me rëndësi është edhe intensifikimi i punës së përditshme i policisë për arrestimin e 560 personave të shpallur në kërkim”, ka thënë Balla gjatë takimit të zhvilluar në Durrës.
“Pjese e analizes sot ne drejtorine e policise se Durresit ishte edhe rihapja e dosjeve te vjetra te cilat jane mbi 50 ngjarje te renda kriminale. Por edhe intesifikimi punes se perditeshme i policise per arrestimine 560 personave te shpallur ne kerkim”, tha Balla.
Ministri zbuloi gjithashtu dhe detaje të tjera se çfarë ka diskutuar me drejtuesit e policisë.
“DVP e Durrësit dhe e Kufirit janë të rëndësishme. Gjatë 2023 kemi patur rezultate të mira në parandalimin e ngjarjeve kriminale, por mos harroni se kemi patur dhe ngjarje kriminale dhe njëra është duke u hetuar dhe shpresojmë të vëmë para drejtësisë personat përgjegjës.
Durrësi është kryeqendër e turizmit. Po planifikojmë që gjatë sezonit të ri turistik të kemi dhe mbështetjen e Forcës Kombëtare të Sigurisë për të garantuar një sezon turistik të suksesshëm.
Qarkullimi rrugor mbetet një nga sfidat tonë, shqetësimi im mbetet adresimi i shkeljeve rrugore. U bëj thirrje përdoruesve të rrugës, të reflektojnë për një respektim dhe më të madh të rregullave të qarkullimit rrugor.
Procesi i vetëpastrimit të policisë së shtetit ka qenë pjesë e diskutimit tonë. Besoj se kam qenë i qartë me të gjithë që në punë e tyre duhet të orientohen vetëm nga ligji”, tha ai.
