Lideri i partisë së ekstremit të djathtë rumune Aleanca për Bashkimin e Rumunëve (AUR), Claudiu Tarziu, dëshiron që Rumania të aneksojë një pjesë të Ukrainës.
“… Ne nuk do të jemi vërtet sovran derisa të riintegrojmë shtetin rumun brenda kufijve të tij natyrorë!”, ka thënë Tarziu.
Ai tha se gjithçka që ishte kombi rumun duhet të kthehet në kufijtë e një shteti.
“Bukovina e Veriut nuk mund të harrohet! Besarabia Jugore nuk mund të harrohet! Toka Hertsa, Transilvania, gjithçka që ishte dhe është kombi rumun duhet të kthehet në kufijtë e një shteti!”, citohet të ketë thënë kreu i AUR.
Dhe siç vlerësojnë mediat e huaja, përcjell Telegrafi, deklaratat e Tarziu përbëjnë një rrezik të madh për statusin e Rumanisë si anëtare e NATO-s dhe si anëtare e Bashkimit Evropian, duke pasur parasysh pasojat e veprimeve të tilla.
Sipas tyre, aneksimi i pjesëve të Ukrainës do të nënkuptonte shkelje të një sërë traktatesh dhe parimesh ndërkombëtare, të cilat do të sillnin sanksione ndërkombëtare, izolim diplomatik dhe me shumë gjasa luftë me Ukrainën.
Deklaratat e tij vijnë pas atyre të László Toroczkai, lider i partisë hungareze të ekstremit të djathtë Mi Hazank, i cili ka njoftuar pretendimet për Zakarpattia Oblast të Ukrainës nëse Ukraina humbet shtetësinë e saj si rezultat i luftës.
Ai njoftoi se Mi Hazank do të pretendojë Zakarpattia nëse shtetësia e Ukrainës pushon së ekzistuari si rezultat i luftës me Rusinë.
Bëhet fjalë për një rajon perëndimor të Ukrainës që është shtëpia e rreth 150,000 hungarezëve etnikë.
