Toni Kroos, në rolin tjetër profesional, atë të një analisti futbolli në podkastin e tij “Einfach mal Luppen”, ka folur për largimin e Jürgen Klopp nga Liverpool-i në fund të sezonit. Mesfushori gjerman ka lavdëruar bashkatdhetarin e tij dhe ka uruar paraprakisht këdo që mund ta rrëmbejë, pas largimit nga “Anfield”:
“Urime kujtdo që ka mundësi të nënshkruajë me Klopp tani. Nuk e besoj se duket i lodhur tani, nuk e kuptova këtë arsye për largimin.
Shumë njerëz ia sugjeruan tërheqjen sezonin e kaluar, kur po kalonte një kohë të vështirë. Ndoshta shumë njerëz prisnin që të largohej atëherë, por ai bëri një lëvizje mjeshtërore dhe tha: Do ta rregulloj përsëri dhe më pas do të ndaloj”.
Këto komente, Kroos i bëri në podcast-in që ndan me vëllain e tij, Félix. Lojtari madrilen është plot lëvdata për Klopp dhe admiron besnikërinë e tij ndaj skuadrave që ka drejtuar: “Çfarë mund t’i thuash Klopp-it? Edhe pse ka vite që punon jashtë vendit, sondazhet tregojnë se është deri tani trajneri më popullor në Gjermani.
Mendoj se e njëjta gjë mund të thuhet tani në Angli. Kjo do të thotë diçka. Njohja që mori atje nuk mjafton për ta përshkruar atë që bëri atje. Për të gjithë tifozët e Liverpool-it dhe futbollit, Jürgen Klopp është sinonim i një besnikërie të caktuar. Veçanërisht i përkushtimit, dashurisë për klubin dhe suksesin. Tani është një legjendë në Gjermani, një legjendë e Liverpool-it dhe në Angli”.
Për të ardhmen e tij dhe opsionin që të jetë trajner i kombëtares gjermane, Kross e sponsorizon: “Ai e meriton ta marrë këtë vendim i vetëm, është një njeri shumë inteligjent, që njeh momentet. Nëse beson se tani është koha, atëherë e mirëpresim.
Si tifozë gjermanë të futbollit, ne mund të shpresojmë vetëm se në një moment mund ta bindim atë të luajë ndonjë rol në Gjermani. Kjo është ajo që e kemi pritur me padurim për shumë e shumë vite”.
