Kam zgjedhur Partinë Socialiste për shkak të figurës politike të liderit Edi Rama.
Kur vendosa të përfshihesha në politikë rreth vitit 2009, me synimin e vetëm që zëri im të dëgjohej më shumë, për të kontribuar në komunitet, iu bashkova vizionit të Partisë Socialiste me besimin dhe intuitën që përmes saj Shqipëria do të ketë vetëm progres.
Frymëzimi që më ka dhënë figura politike dhe njerëzore e Kryeministrit Edi Rama është forca më e madhe për t’i shërbyer shijakasve.
Ëndrrat e mëdha kërkojnë hapa të vegjël, por të sigurtë e të vendosur. Këtë gjë mësova nga lideri i PS-së Edi Rama, i cili gjatë këtyre 10 viteve, e ka çuar zhvillimin e Shqipërisë në rritje të vazhdueshme me forcë dhe këmbëngulje, pa u dorëzuar ndaj asnjë momenti të vështirë.
Edi Rama e nisi rrugëtimin e qeverisjes së tij me një frymë të re duke bërë gjithçka duhet për një Shqipëri Europiane. Dhe ia ka dalë!
Pas një çasti të vështirë siç ishte pasoja që la tërmeti i Nëntorit 2019, vetëm një lider si Rama mund të kalonte çdo pritshmëri, duke bërë për vete pothuajse të gjithë liderat botërorë, për të ndihmuar Shqipërinë në Konferencën e Donatorëve. Nga rrënojat e tërmetit u rilindën qytete duke ndërtuar nga e para kopshte, shkolla, shtëpi individuale e pallate, që sollën një tjetër shpresë për të ardhmen.
Viti 2023 ishte ndër vitet më të arta për Shqipërinë dhe shqiptarët në fusha të ndryshme; rritjen ekonomike, turizëm, imazhin e mirë në politikën e jashtme.
Të gjitha këto suksese janë punë konkrete që i shohim të gjithë, të realizuara falë vizionit politik të Kryeministrit Edi Rama.
Thirrja ime për të mbështetur Partinë Socialiste dhe liderin e saj shkon përtej politikës. PS është përfaqësuese e denjë e interesave të çdo qytetari. Vizioni i PS-së për Shqipërinë europiane do të realizohet vetëm nga lideri Edi Rama.
Vetëm Përpara, me Partinë Socialiste!
