Ndërsa Klevis Balliu është graduar nga Sali Berisha, në postet drejtuese të Rithemelimit, një tjetër Balliu ka dalë kundër tij.
Alesia Balliu, mbështetëse dhe anëtare e Rithemelimit dhe vetë Berishës, thotë se Partia Demokratike duhet të vazhdojë përtej gjyqit të Sali Berishës dhe të hapë garën për të sjellë figura të reja brenda partisë, dhe të bëhen gati për zgjedhjet e 2025-ës.
“PD duhet të vazhdojë përtej gjyqit të Berishës dhe problemeve të tij, pasi fokusi është fokusuar tek një person i vetëm. Është mungesa e strukturimit të kësaj partie, nuk ka një drejtues, pa program për vijueshmëri.
Është turp të thuash që opozita po bën protesta kundër institucioneve të drejtësisë, jemi shumë afër zgjedhjeve. Fraksionet janë si kancer që vënë gjobë vënies, PD duhet të hapë garën për të mos pasur liderin autokrat, dhe në fund thonë na vodhën votat. Për sa kohë nuk ka alternativë, rezultati do jetë i njëjtë që barazohet me vjedhjen e votës.
Problemi këtu është si ta zgjidhim, por jo me figura të vjetra. Prandaj PD, duhet të sjellë figura të reja intelektuale, mos të merren me rrugën e shpresës. Fokusi i kësaj partie është të bëjnë protestë për një vendim që e kanë marrë institucionet.
Në PD nuk ka program as drejtues, fokusi personal është tek doktori. Ata poshtë Berishës nuk kanë më çfarë ofrojnë. Ndërkohë që Rama nuk do t’i përgjigjet interesat të kapitalistëve të vendit do zëvendësohet. Kundër këtyre interesave si do ta sulmojë opozita, si mund ta kenë ata një fitore”, tha ajo për Dritare TV.
