Garda ka marrë masa të menjëhershme për gjykatësen Arnisa Këlliçi. Sipas “Top News” masat e sigurisë janë shtuar pas informacioneve të marra në rrugë operative.
Informacionet sugjerojnë se ka një bashkëpunim mes një klani magjistratësh dhe elementëve të krimit të organizuar të cilët kërcënojnë sigurinë e gjyqtares.
Disa ditë më parë vetë gjyqtarja kërkoi mbrojtje të veçantë. Në kërkesë ajo ka zbuluar emrin e kërcënuesit të dyshuar të saj, prokurorin A.D.
Ajo shprehet se i kanë ardhur dy kërcënimet që i kanë ardhur, njëri është bërë nga prokurori në fjalë, i cili është pjesë e prokurorisë pranë Gjykatës së Shkallës së Parë Tiranë.
Ajo thekson se kërcënimi në fjalë i ka ardhur në mënyrë të tërthortë përmes Kancelarit të Gjykatës dhe se ditën që ka ndodhur, prokurori Dyrmishi ka qenë në zyrën e saj. /Hashtag.al
