Kimikatet të pranishme në ujin e rubinetit dhe qindra produkte të tjera të konsumit mund të përshpejtojnë përparimin e kancerit, ka zbuluar një studim i ri.
Studiuesit në Shkollën e Shëndetit Publik të Yale zbuluan se PFAS, një grup kimikatesh që përdoren për të bërë veshje fluoropolimere dhe produkte që u rezistojnë nxehtësisë, vajit, njollave, yndyrës dhe ujit, ndihmojnë në përhapjen e kancerit.
Cilat janë ‘kimikatet e përjetshme”?
Përveç qëndrimit në mjedis për periudha të gjata, PFAS grumbullohet në trupin e njeriut me efekte toksike.
“PFAS përbën një klasë të përhapur të ndotësve organikë të vazhdueshëm me shqetësim publik në rritje në mbarë botën,” tha bashkëautori Jie Zheng.
“Ato janë zbuluar shpesh në mjedis, si në ujin e pijshëm, pluhurin e brendshëm, produktet e pastrimit dhe veshjet”, u shpreh ai më tej.
Studimet kanë zbuluar se 97 për qind e njerëzve në SHBA kanë nivele të dallueshme të “kimikateve të përhershme” në gjakun e tyre.
Si lidhet PFAS me kancerin?
Studime të shumta kanë lidhur PFAS me shkallë më të lartë të kancerit, duke përfshirë kancerin e veshkave, prostatës dhe gjirit.
Hulumtimet janë në vazhdim për të kuptuar se si substancat ndikojnë në trup, por ekspozimi ndaj kimikateve, veçanërisht në nivele të larta, duket se ndryshon rrugët biologjike.
Kjo është shqetësuese pasi, kur kanceri jep metastaza, bëhet më i vështirë për t’u trajtuar.
