Sekretari Amerikan i Shtetit, Antony Blinken thuhet se do të vizitojë Tiranën më 16 Shkurt, pikërisht në datën kur do të mbahet gjyqi ndaj McGonigal për dosjen shqiptare. Qëllimi i vizitës së zyrtarit të lartë të SHBA është i paqartë. Kryeministria është në qiellin e shtatë, pasi kanë qenë burime mediatike pranë qeverisë të cilat e kanë shpërndarë në mënyre rrufe lajmin. Të monitoruar nga Endri Fuga, qeveria është kujdesur ta pasqyrojë si benefit për kryeministrin Rama, ndërkohe qe data e ardhjes dhe koincidenca me gjyqin ndaj ish-agjentit të FBI duket se fsheh underground anën surprizë të medaljes. 16 Shkurti është udhëkryqi i Edi Ramës, ku gjyqi i McGonigal dhe vizita e Blinken janë dy rrugë pa dritë në fund të tunelit. Rama ndodhet sot në momentin më të vështirë, pasi ai e di shumë mirë se çka bërë, si dhe amerikanët. SHBA e kanë kapur kryeministrin shqiptar me “presh në dorë” dhe do t’ia përdorin këtë histori, kur të vijë momenti. Nëse do i referohemi dosjes hetimore të agjentit të FBI, duket qartë që Rama ka një lidhje të fortë me të dhe personat që kanë qenë ndërmjetësit e tij. Këtë e ka pranuar vetë “McGonigal”. Takimet e shpeshta të një kryeministri me një personazh që nuk ka asnjë lidhje me politikën shqiptare, ekzekutivin apo me çfarëdolloj institucioni që i përket këtij shteti, janë një pikë e errët për një personazh që drejton shtetin shqiptar, i cili e fut drejtimin e shtetit në hulli spiunësh, personazhesh të dyshimtë apo dhe pazaresh të rëndomta. Se ç’farë ka ndodhur, ç’farë kanë thurur, apo në ç’farë aferash janë zhytur kryeministri shqiptar me spiunin McGonigal, me personazhet A,B,C,D apo ZH, ky është një hetim i ndërmarrë nga shteti amerikan dhe SPAK dhe padyshim që e ardhmja do të ketë shumë surpriza për Ramën dhe çetën e tij që janë përfshirë në këtë qerthull. Vizita “blic” e Blinken, pikërisht në gjyqin e dosjes shqiptare e shton edhe më shumë ankthin tek kryeministri Rama, pasi ai mund të marrë në prapaskenë edhe porositë e mortit të qeverisë së tij.
Politika në ankth
Sekretari Amerikan i Shtetit nuk fut në ankth vetëm Edi Ramën, por të gjithë pushtetarët e lartë të korruptuar. Ishte vetë Blinken, ai i cili në maj 2021 shpalli Sali Berishën si person “Non Grata” nga SHBA për korrupsion dhe minim të demokracisë. Amerikanët po projektojnë zgjerimin e listës së zezë dhe premtojnë se nuk do ndalen deri sa politika shqiptare të pastrohet nga të korruptuarit dhe të inkriminuarit përmes mekanizmit të shpalljes “non grata”, por jo vetëm kaq pasi SHBA po përgatit goditje të reja. “Damka” që të vendos SHBA të nxjerr nga sistemi dhe rastin më të pastër e kemi me Sali Berishën. Blinken pasi e futi në listën e zezë e nxori Berishën jashtë politike pasi të gjithë mbështetësit e braktisën, madje hetimet e drejtwsisw vërtetuan akuzat e ish-kryeministrit se amerikanwt nuk kanw prova pwr korrupsionin e tij. Berisha tani ndodhet nw “arrest shtëpie”, Kujtojmë këtu edhe një raport që gazeta “SOT” e ka nxjerrë pak muaj më parë ku përmendet roli i Blinken në zhdukjen e korrupsionit në Ballkanin Perëndimor. Përveç sanksioneve që do të ndërmarrë SHBA ndaj personave të zhytur në korrupsion, aty theksohet se do të angazhohet vetë Sekretari i Shtetit, në goditjen e korrupsionit brenda secilit shtet. SHBA do të ndërmarr programe të reja duke shtuar mbështetjen për prokurorinë dhe gjykatat. “Sekretari i Shtetit, nëpërmjet programeve aktuale dhe programeve të reja, do të zhvillojë një iniciativë që kërkon të zgjerojë asistencën teknike për zhvillimin e strategjive kombëtare kundër korrupsionit, për çdo vend të Ballkanit Perëndimor. Strategjitë e korrupsionit do të ndërtohen duke marrë parasysh kushtet lokale dhe në varësi të marrëveshjes me vendin pritës. Do të ofrohen praktikat më të mira dhe trajnime për agjencitë e zbatimit të ligjit dhe institucionet gjyqësore, apo organe të tjera administrative në secilin shtet, për të përmirësuar efikasitetin, transparencën dhe llogaridhënien e këtyre agjencive dhe institucioneve”, thuhet aty/sot.
