Deputeti i Partisë Demokratike, Sajmir Korreshi shprehet se opozita duhet të dalë me një emër ri për kryeministër dhe jo me emrin e Berishës.
A duhet të jetë Berisha kandidat i opozitës për kryeministër në zgjedhjet e ardhshme? A ju shkon në mendje që të bëhen njëherë zgjedhje pa Berishën?
Korreshi: Absolutisht po. Për mua Basha dhe Berisha nuk janë më alternativë. Janë të nevojshëm, a kanë mbështetës? Patjetër, por besoj që sot duhet një alternativë e re. Shumë zgjedhje janë fituar në bashki me fjalët “është djalë i mire”, pavarësisht se nuk e dinë çfarë do të bënin. Për Berishën dhe Bashën ngel ajo shija e vjetër. Duhet diçka e re. E reja është edhe më kollaj për t’u zëvendësuar. Sot politika e vjetër është e vështirë edhe për t’u zëvendësuar, kanë vendosur lidhje. Këtu në 33 vjite nuk është se ikën njeri nga skena politike.
