Transferimi i Muçit te Beshiktashi në orët e fundit të merkatos në Turqi ka bërë një bujë vërtet të madhe.
Për këtë “operacion” ka folur dhe vetë numri 1 i klubit legjendar turk, Hasan Arat, i cili e vlerësoi në maksimum sulmuesin e Kombëtares shqiptare.
“Ai ishte një lojtar që trajneri e kërkonte prej një kohe të gjatë.
Ka ardhur në Turqi me shumë entuziazëm dhe do të punojë fort për Beshiktashin.
Është një transferim që do e bëjë të lumtur komunitetin tonë”, u shpreh presidenti i “shqiponjave”.
