Një ngjarje e rëndë ka ndodhur mëngjesin e sotëm në Kurbin, ku ekonomisti i një firme ku përpunohen inerte është vrarë me armë zjarri, ndërsa është plagosur pronari.
Forcat Kombëtare të Sigurisë dhe Forcat Speciale Renea raportohet se kanë shkuar në vendngjarje në ndihmë të policisë vendore që po punon për identifikimin dhe kapjen e autorit/ve.
Krimi ndodhi mëngjesin e sotëm rreth orës 07:00 në fshatin Gurez. Ekonomisti i firmës me iniciale S. M, rreth 70 vjec, ka humbur jetën, ndërsa është plagosur pronari me iniciale A. GJ, rreth 51 vjec, i cili është transportuar në spital për ndihmë mjeksore.
Zbardhet identiteti i pronarit të firmës ku ndodhi krimi i rëndë, i cili mbeti i plagosur, ndërkohë ekonomisti i tij humbi jetën. Ngjarja ndodhi rreth orës 07:00, në fshatin Gurez të Kurbinit.
Mësohet se bëhet fjalë për Arian Gjeloshin. Ky i fundit ndodhet në spital, ndërsa nuk dihet gjendja e tij. Sakaq, nga ky atentat mbeti i vrarë Selman Mihana, 70 vjeç.
Vrasja e ekonomistit dhe plagosja e pronarit të firmës ka ndodhur në rrethana ende të paqarta.
Njoftimi i policisë:
Kurbin/Informacion paraprak
Rreth orës 07:00, është marrë njoftim se në fshatin Gurez, Kurbin, në ambientet e një firme ku përpunohen inerte, në rrethana ende të paqarta është vrarë me armë zjarri shtetasi S. M, rreth 70 vjec, ekonomist i firmës, si dhe është plagosur pronari shtetasi A. GJ, rreth 51 vjec, i cili është transportuar në spital për ndihmë mjeksore.
Shërbimet e Policisë Vendore kanë shkuar në vendngjarje, është rrethuar zona dhe vijon kontrolli i territorit.
Ndërkohë është ngritur një grup i posaçëm hetimor nën drejtimin e Prokurorisë për zbardhjen e rrethanave të ngjarjes, identifikimin dhe kapjen e autorit/ve.
Në ndihmë të Policisë vendore kanë shkuar Forcat Kombëtare të Sigurisë dhe Forcat Speciale Renea.
