Celta nuk e ndali një pikë në përballje me Barcelonën në takimin e javës së 25-të të kampionatit spanjoll.
Barcelona ka shënuar fitore në Vigo me rezultat 2:1 ndaj Celta-s.
Në fund të pjesës së parë, Robert Lewandowski shënoi pas asistimit të talentit Yamal.
Në pjesën e dytë Celta Vigo pas përpjekjeve të mëdha, ka barazuar rezultatin me golin e Aspas në minutën e 47-të.
Në minutën e 90+7, Lewandowski ka shënuar nga penalltia, 1:2.
Fillimisht polaku gaboi në gjuajtjen e parë, me tentativën që u ndal nga Guaita, por penalltia u përsërit për shkak se portieri kishte lëvizur duke e kaluar vijën.
Në tentativën e dytë, Lewandowski u tregua i saktë duke shënuar.
Reali kryeson me 61 pikë (një ndeshje më pak), pasojnë Girona 56 (një ndeshje më pak), Barcelona 54 e Celta renditet në vend të 17-të me 20 pikë.
