Mijëra hungarezë kanë dalë në protestë të premten, për çështjen e faljes së abuzuesve të fëmijëve, një rast që ka tronditur vendin këto kohë.
Demonstrata e titulluar “Ka monstra atje” u mbajt në sheshin e Heronjve në kryeqytetin Budapest, në shenjë solidarizimi me viktimat e abuzimit, ku pjesëmarrësit u kërkuan partive politike të qëndrojnë larg.
Presidentja Katalin Novak dhe dy figura të larta në partinë qeverisëse të kryeministrit Viktor Orban dhanë dorëheqjen javën e kaluar për faljen e diskutueshme të autorëve.
Edhe një peshkop që këshilloi kryeministren e krahut të djathtë për faljen, është larguar gjithashtu.
Polemika erdhi pasi emrat e 25 personave të falur nga Novak, në prill të vitit të kaluar, si pjesë e një vizite në Hungari nga Papa Françesku, u bënë publike nga mediat hungareze.
Në listën e të dënuarve ishte zëvendësdrejtori i një shtëpie fëmijësh pranë Budapestit, që ishte burgosur për tre vjet, pasi kishte detyruar fëmijët të tërhiqnin pretendimet për abuzim ndaj drejtorit të institucionit.
Vetë drejtori ishte dënuar me tetë vjet burg për abuzimin e fëmijëve në objektin e drejtuar nga qeveria.
Në njoftimin për dorëheqjen, Presidentja Katalin kërkoi falje duke pranuar se vendimi ishte një gabim.
Qeveria Orban i ka bërë vlerat familjare një temë thelbësore të politikave të saj.
