Ekipi i Tiranës ka emëruar trajnerin e ri, Erbim Fagu, pas largimit të Juljan Ahmatajt. Humbja në derbi ka qenë preteksi dhe pas një mbledhje me tone të ashpra drejtuesit e Tiranës i kanë kërkuar Ahmatajt të japë dorëheqjen.
36-vjeçari Erbim Fagu, sëfundmi ka drejtuar në kategoritë e ulta në Holandë, ndërsa përballë një ofertë të tillë është shprehur i gatshëm për t’u rikthyer në Shqipëri.
Fagu do jetë trajneri i tretë i Tiranës këtë sezon, pas Ahmatajt dhe Orges Shehit. Ky i fundit i shkarkuar që në tetor.
Aktualisht Tirana renditet e katërta në Superligë, por rrezikon të zbresë edhe më poshtë që mund të sillte edhe mos kualifikimin për në ‘final-four’ në fund të sezonit, e për rrjedhojë do dilte nga gara për titullin.
