Ballina Aktualitet Vranë të atin dhe e varrosën në kasolle, Gjykata del me njoftimin...

Vranë të atin dhe e varrosën në kasolle, Gjykata del me njoftimin e rëndësishëm, ja ora kur pritet të zhvillohet seanca ndaj 3 fëmijëve të Pëllumb Metës

101
0

Seanca gjyqësore ndaj tre fëmijëve të Pëllumb Metës do të zhvillohet ditën e sotme në orën 12:00 për vlerësimin e masave të sigurisë ndaj tyre.

Hygerta Meta, 19-vjeçe, Amarildo Meta, 21-vjeç dhe Hysen Meta 25-vjeç akuzohen se kanë vrarë të atin brenda shtëpisë së tyre në Shënvlash të Durrësit dhe më pas e kanë groposur në kasollen pranë banesës.

Çështja do të shqyrtohet nga gjykatësja Shpëtime Pitaku.

Njoftimi i Gjykatës:

Pranë Gjykatës së Shkallës së Parë të Juridiksionit të Përgjithshëm Durrës është regjistruar çështja penale Nr. 127/1, me objekt “Vleftesimin e ligjshem te arrestit dhe caktimin e mases se sigurimit ndaj shtetasve H. Meta, H. Meta dhe A. Meta te dyshuar per kryerjen e veprave penale te parashikuar nga neni 79/c,278/4 dhe 303 e 25 te K.Penal”.

Kjo çështje është në shqyrtim pranë Gjyqtares Shpëtime Pitaku.

Seanca gjyqësore do të zhvillohet në datë 26.02.2024, ora 12:00.

Dëshmitë kontradiktore

Tre fëmijët e 51-vjeçarit do të përballen me faktet paraprake të mbledhura nga grupi hetimor, ndërkohë që dëshmitë e dhëna prej tyre kanë qenë kontradiktore që në krye të herës. Por përkundër mosdaljes ende në një konkluzion për shkakun real të ngjarjes, grupi hetimor ka nxjerrë në media të gjitha dëshmitë e protagonisteve të krimit horror të ndodhur më 10 shkurt.

Por janë një sërë të dhënash që shoqërojnë postarrestimin e fëmijëve të viktimës që bëjnë edhe më të ndërlikuar gjetjen e një motivi, që i ka shtyrë fëmijët të ndërmarrin një hap të tillë për ta vrarë dhe më pas për ta groposur të atin e tyre. Bashkëshortja në një dalje publike për mediat ka bërë me dije se Pëllumbi ishte i dhunshëm dhe se i kishte kërcënuar shumë herë se do t’i vriste dhe madje do t’i digjte me benzinë.

Po ashtu, ajo ka pretenduar se Pëllumbi e kishte dhunuar gjatë gjithë jetës atë dhe fëmijët ndërkohë që në fakt policia e Durrësit nuk ka bërë me dije që familja Meta ta kishte denoncuar ndonjëherë për dhunë kryefamiljarin.

Po ashtu, bëhet me dije se familja e shkueses që donte të merrte vajzën për kunatin e saj kanë folur për mediat lokale, madje kanë deponuar edhe në prokurori për çka janë marrë në pyetje, duke mohuar të ishte e vërtetë ajo që thuhej nga fëmijët e Pëllumb Metës si shkak për vrasjen e tij. Ka qenë kunata e personit që u tha se ishte kërkuar vajza, që ka hedhur dritë mbi miqësinë me viktimën, pasi ajo e shihte të ndjerin çdo ditë që e sillte vajzën te stacioni i autobusëve në Durrës dhe pinte kafen në lokalin e saj.

FLET FAMILJA E SHKUESIT

Në kohën kur është ende mister motivi i vërtetë i vrasjes së Pëllumb Metës në Shënavlash të Durrësit, bashkëshortja e tij në hetim dhe 3 fëmijët e arrestuar i qëndrojnë fort motivit të dhunës në familje dhe vendimit për të fejuar pa dëshirë vajzën 19- vjeçare. Po vendimi për ta fejuar pa dëshirë është hedhur poshtë nga familja që kishte shfaqur interes për këtë krushqi. Madje, sipas saj, edhe Blerina, nëna e vajzës, ashtu si babai i vrarë, kanë mbajtur të njëjtin qëndrim në lidhje me mundësinë e një fejese.

Ashtu si në dëshminë e dhënë në polici, edhe në një komunikim jashtë kamerave për mediat lokale, familja që kishte menduar për një lidhje krushqie me familjen e viktimës hedh poshtë pretendimin se Pëllumbi do e fejonte vajzën pa dëshirë. “Ai e kishte dritën e syve. Bënte gjithçka për të. I donte fëmijët e tij, familjen. Çdo ditë e dërgonte me makinën e vet vajzën deri në Durrës që të merrte autobusin e të shkonte në Tiranë se ishte studente e Gjuhëve të Huaja. Duke e njohur e krijuar respekt për të, se vinte çdo ditë tek lokali, rreth 4 muaj më parë, i thashë për kunatin tim që jeton në Itali, por më tha që vajza kishte filluar shkollën për Gjuhët e Huaja në Tiranë dhe s’bëhej ajo punë. Nuk e mendonin fejesën.