Burime nga policia kanë hedhur poshte akuzën e një abuzimi seksal ndaj 19 vjeçares që çoi në ngjarjen e rëndë. Ekspertë u shprehen gjatë paradite së sotme se mund të kishte ndodhur një gjë e tillë duke justifikuar edhe tronditjen që mund të kishte pesuar vëllai ndërsa ka qëlluar. Pas një analize mjekoligjore të kryer për 19-vjeçaren Hygerta Meta, ka rezultuar se e reja nuk ka shenja abuzimi seksual, sikundër u aludua më herët.
Më herët sipas ekspertit, diçka më e rëndë, pa përjashtuar një abuzim seksual brenda familjes duhet të ketë ndodhur.
“Unë mendoj se ajo që është paraqitur si shkak për këtë ngjarje nuk është e vërtetë, mendoj se është një mister më i madh që do zbulohet, duket qenë se ata kanë lënë prova pas krimit. Ka diçka brenda familjes ( pa përjashtuar një abuzim seksual)”, tha ai.
Sipas avokatit Gylsen Zhllima, pozita e të pandehurit lehtësohet nëse është e tillë, sepse vrasja mund të jetë kryer në kushtet e tronditjes së rëndë psiqike.
“Të marrim një hipotezë; ai hyn nën dhomë dhe sheh diçka që nuk është e denjë, në ato momente mund të ketë marrë vendimmarrjen që ta vrasë”, u shpreh avokati.
