Detaje të reja kanë dalë në dritë lidhur me vrasjen e shqiptarit Edmond Mustafa në Tivar të Malit të Zi, ditën e djeshme rreth orës 09:10 të mëngjesit, ku si autor i dyshuar u arrestua 28-vjeçari Dino Ibrahimoviç.
Sipas mediave malazeze, Mustafa dhe 28-vjeçari i dyshuar si vrasësi i tij, kanë qenë shokë më parë dhe ishin pjesë e klanit mafioz “Skaljar”.
Vrasësi i maskuar i është afruar shqiptarit nga mbrapa, teksa ai po i afrohej makinës së tij në shoqërinë e motrës së tij dhe ka shëtnë disa herë drejt tijm e më pas është larguar me vrap.
Dyshohet se shqiptari u fillua të shikohej me një sy ndryshe nga klani të në cilin ishte pjesë pas vrasjes së një prej krerëve të klanit Skaljar, Alan Kožar, në Korfuz, në vitin 2020.
Ai filloi të pretendonte në rrjetin social “Tiktok” se pas vrasjes së Kozar qëndronin “tradhtarë nga klani Skaljar” .
Ai dyshohet se ka publikuar korrespondencën sekrete të Sky-it si dhe ofruar në polici si dëshmitar-bashkëpunëtor.
Kujtojmë se Mustafa ka kërkuar statusin e bashkëpunëtorit të drejtësisë për zbardhjen e disa vrasjeve të kryera nga anëtarët e bandës Skalja dhe klanit Kavac. Megjithëse ai pranoi përpara autoriteteve policore bashkëpunimin e tij në disa vrasje dhe nxori emrat e autorëve ai nuk u arrestua kurrë dhe nuk iu dha statusi që kërkonte.
Një tjetër motiv për likuidimin nga anëtarët e klanit të cilit ai vetë i përkiste është se, pas vrasjes së bashkëpunëtorit të tyre Zijad Nurkoviq në Spanjë në vitin 2019, Mustafa hyri në lidhje dashurie me të venë e tij, blogeren malazeze Vasilisa.
