Analisti Agim Baçi, i ftuar në një emision televiziv ka folur për situatën e opozitës, deklaroi se Sali Berisha vazhdon të mendojë se vetëm ai është kreu opozitar i përjetshëm dhe se kush i del kundër, e konsideron armiq. Baçi shtoi se sherret e eksponentëve brenda PD-së i shërbejnë vetëm Ramës.
“Pas zgjedhjeve, nëse opozita humb, ka një presion mbi Berishën. Por, nëse opozita fiton, çfarë do bëjë zoti Shehi, që ka dale me lëvizje të re? Po, duhet një lëvizje për votuesit gri. Shehi niset nga fakti që Sali Berisha ka ndërtuar një narrativë, ku thotë se kush nuk është me mua, nuk është opozitë. Mirëpo, duhet të elimonohen egot dhe të mos luftojmë për veten, por për të gjithë opozitën, që nesër të jetë në pushtet. Berisha mendon se është e vetmja alternativë e opozitës. Sherret në PD i shërbejnë vetëm Ramës”, tha Baçi.
Agim Baçi, duke komentuar Samitet e mbajtura në Tiranë, deklaroi se ata janë një gjë e mirë për Shqipërinë.
“Jam kundër leximit të ngjarjes të tillë që ta shikojmë Ramën si hero. Por, Samitet ishin të rëndësishme për vendin tonë, kjo duhet pranuar. Jam kundër leximeve ekstreme”, deklaroi Baçi.
