Nuk është hera e parë që reshjet e shiut krijojnë situata problematike në rrugët e Durrësit. E papranueshme që prej më shumë se 20 vitesh nuk merren masa për zgjidhjen përfundimtare të problematikës.
Pa dashur ta politizoj situatën e krijuar, por nuk mund të hesht, pasi problematika e përsëritur kalohet nga Bashkia e drejtuar nga Sako sikur është thjesht fenomen natyror, kur e vërteta është se mbi të gjitha bëhet fjalë për mungesë vullneti, pasi ka vite që kanalet nuk pastrohen.
Imagjinoni që për hidrovorin u harxhuan 20 milionë dollarë të marra nga fondi i Rindërtimit, por që nuk mjaftuan për t’i dhënë fund problematikës 20-vjeçare, duke përmbytur rrugë e trotuare çdo herë në qytet!
