Portieri i Milan, Mike Maignan, do t’i nënshtrohet testeve mjekësore ditën e premte, pas lëndimit të gjurit, por trajneri Stefano Pioli ka besim se francezi nuk ka pësuar ndonjë lëndim të rëndë.
Maignan u detyrua të largohet nga fusha vetëm pas 21 minutave në ndeshjen e së enjtes ndaj Slavia Prague.
Pioli përditësoi gjendjen shëndetësore të portierit në konferencën pas ndeshjes, duke përjashtuar ndonjë lëndim të rëndë.
“Mike ndjeu dhimbje në gjurin e tij, por nuk duket diçka shqetësuese. Do ta shohim, por mund të them se nuk do të zgjasë shumë”, është shprehur Pioli.
Sipas asaj që raporton “Sky Sport Italia”, Maignan do t’i nënshtrohet testeve mjekësore gjatë ditës së premte. Ai pësoi një traumë në gjurin e tij të djathtë, por artikulacionet duket se janë të qëndrueshme, sipas mediumit në fjalë.
