Shtëpia e Bardhë tha sot se zgjedhjet në Rusi nuk ishin “qartësisht të lira dhe as të drejta” duke pasur parasysh se si presidenti rus Vladimir Putin ka burgosur kundërshtarët dhe ka penguar të tjerët të konkurrojnë kundër tij, raportojnë mediat amerikane.
Putin ka fituar zgjedhjet presidenciale të Rusisë me 87.97% të votave, sipas rezultateve të para zyrtare të dielën pas mbylljes së qendrave të votimit. Rezultatet e hershme pasuan një exit poll që tregoi se Putin fitoi 87.8% të votave.
Mbi 8 milionë njerëz votuan online në zgjedhje, tha të dielën një zyrtar i komisionit zgjedhor rus. Votimi u zhvillua në tri ditët deri të dielën.
