Ka nisur këtë të martë të 19 marsit 2024 pelegrinazhi drejt kishës së Shna Ndout në Laç. Janë 13 të marta që respektohen nga besimtarët për të mbërritur deri në ditën e Shna Ndout.
Mijëra persona udhëtojnë çdo të martë drejt kishës së Shna Ndout në Laç deri në diten e 13 qershorit kur është dhe festa e këtij shejti dhe numri i pelegrinjëve shkon mbi 1 milion.
Pelegrinazhi i 13 të martave bashkon Shqiptarë të cilët i përkasin feve të ndryshme, muslimanë, katolikë, ortodoks, të cilët pavarësisht besimit të tyre zgjedhin të vizitojnë “vendin që bën mrekulli”.
Kisha e Shna Ndout daton që nga shekulli XIII dhe objekti i rëndësishem i kultit mori famë për shkak të Shna Ndout, një predikues i njohur katolik.
