Nga Skënder Sadri KAPITI
Politika synon dhe garon duke përdorur të gjita mudësitë, format dhe mjetet për të marrë pushtetin , dhe pastaj me pushtetin forcat politike që marrin të drejtën për të qeverisur e kapin shtetin dhe sidomos drejtësinë dhe përdorin “lirinë” dhe forcën e pushtetit të tyre në mënyrë të ligjshme dhe të paligjshme për të bërë korrupsionin, vjedhjen dhe pasurimin e tyre.Kështu ka ndodhur në Shqipëri prej 30 vitesh, dhe po kështu ka ndodhur edhe në Kosovë në lidhje me korrupsionin politiko-juridik.
Me këtë shkrim të shkurtër po u paraqes lexuesve realitetin e këtyre 30 viteve në Shqipëri ku sundoi dhe qeverisi “Ligji” i korrupsionit, ligj i cili nxori në ankand dhe në pazar gjithcka; ligj i cili blinte dhe jipte drejtësinë, gjyqtarin, prokurorin dhe shtetarin e pushtetarin; ligj që blinte demokracinë, votën dhe pushtetin; ligj që blinte ndershmërinë dhe dijen, postin dhe detyrën shtetërore e publike, lejet dhe licencat; ligj që mbronte pandëshkueshmërinë dhe mosllogaridhënien e të fortëve të politikës dhe të pushtetit dhe si ligj që blihej prej të fortëve të parasë dhe oligarkëve.
KORRUPSIONI ARRITI DERI AJTJE SA U BË KËRCËNIM EDHE PËR SOVRANITETIN KOMBËTAR .
Ishsekretarja amerikane e Shtetit Znj. Hillary Clinton në fjalën e saj në parlamentin shqiptar me rastin e 100 vjetorit të pavarësisë së Shqipërisë deklaroi se:”Çrrënjosja e korrupsionit kërkon përpjekje të pandalshme dhe një përkushtim të përbashkët. Pavarësisht cilës parti i përkisni, pavarësisht cilat janë mosmarrëveshjet tuaja, nxis të gjithë udhëheqësit e Shqipërisë të gjejnë vullnetin politik për të punuar sëbashku, për t’u përballur me këtë kërcënim ndaj pavarësisë suaj”– deklaronte Znj. Clinton.
Korrupsioni është një abuzim i pushtetit që dëmton rëndë funksionimin e shtetit dhe të shoqërisë; korrupsioni bllokon dhe pengon mirëqeverisjen dhe mirëfunksionimin e shoqërisë e të shtetit;kërcënon marrëdhëniet ndërqytetare e për pasojë kërcënon sovranitetin kombëtar dhe sigurinë publike e shtetërore; thellon pabarazinë dhe se cdo lek, dollar apo euro i vjedhur dhe i grabitur nga korrupsioni godet rëndë mirëqënien ,investimet, pensionet, arësimimin, shëndertësinë, strehimin dhe zhvillimin. Korrupsioni godet rëndë edhe moralin, paqen, personalitetin e dinjitetin njerëzor, rrit dhe ushqen krimin, pasigurinë dhe përcarjen.
Dhe prandaj vazhdimisht e pandërprerë, dhe me vendosmëri SHBA-të e mbështetën fuqishëm miratimin si dhe, edhe zbatimin e Reformës në Drejtësi, e mbështetën dhe e mbështesin fuqishëm luftën kundër korrupsionit për t’a crrënjosor këtë kërcënues të pavarësisë kombëtare.
Drejtësia është vlera më e madhe në shoqëri dhe në shtet. Beteja për drejtësinë është e pandërprerë. Njeriu dhe njerëzimi, popujt dhe kombet gjithmonë kanë dhënë e kanë sakrifikuar shumë për të drejtat njerëzore.
Shtetet dhe perandoritë më të fuqishme botërore kanë rënë kur ato u gërruen nga padrejtësia.
Nuk ka siguri, as lumturi, as mirëqënie dhe nuk ka shtet të mirë dhe as të lirë pa drejtësi. Për lirinë dhe për pavarësinë kombëtare garant i tyre është drejtësia, sundimi i ligjit, është ajo që demokracia punon pa ndërprerë për ndërtimin dhe funksionimin e shtetit ligjor dhe modern.
Gjëndja në Shtetin shqiptar precipitoi aq rëndë sa që në këto 30 vite tranzicion korrupsioni ishte një ligj sundues i pashkruar, sepse korrupsioni ishte pranuar dhe ishte pajtuar me të edhe demokracia, politika, drejtësia dhe madje edhe nga shoqëria. Kishte arritur gjëndja deri aty dhe në atë shkallë sa që korrupsioni ishte shndërruar në një si “mit” i pandëshkueshëm dhe i zbatueshëm.
Ishte krijuar psikoza kolektive se pa iu drejtuar korrupsionit, askush dhe asnjë qytetar nuk do ishte kurrë në gjendje të materializonin dhe as të realizonin të drejtat dhe interesat e tyre legjitime sepse nuk mund të merrnin një autorizim dhe asnjë shërbim nga organet administrative dhe shtetërore pa paguar ryshfet, dhe se nuk mund të fitohej kurrë një padi gjyqësore pa korruptuar dhe pa e blerë gjyqtarin.
Deri atje kishte arritur gjëndja dhe degradimi korruptiv e kriminal i Drejtësisë në Shqipëri sa që 90% e shqiptarëve nuk besonin te sistemi gjyqësor, dhe për pasojë qytetaret shqiptar nuk besonin as te shteti e as politika shqiptare, dhe si shpresë “shpëtimi” ishte largimi nga Shqipëria, eksodi.
Drejtësia e kapur nga politika, nga mafia oligarkike dhe nga mediat e kishte thyer shtetin,kishte prishur moralin dhe infektuar rëndë shoqërinë me korrupsionin.
Korrupsioni shkatërron normat morale, thyen dhe prish ligjin, detyrat dhe ndershmërinë, pra shoqërinë.
Prandaj SHBA ndërhynë fuqishëm duke ia imponur politikës shqiptare miratimin e Veting-ut në Drejtësi për pastrimin e sistemit gjyqësor nga krimi e korrupsioni dhe nga bartësit e tyre gjyqtarë e prokurorë, gjë që do i shërbejë pashmangshmërisht edhe pastrimit dhe ndëshkimit të politikës së korruptuar dhe bartësve të tyre.
Mirëpo gjëndja se ku kishte precipituar korrupsioni e bën të vështirë zbatimin e kësaj reforme e cila është Refoma më e rëndësisnme dhe jetike për Shqipërinë, por që me monitorimin dhe me mbështetjen vendimtare të SHBA-ve dhe të BE-së edhe zbatimi i Veting-ut pashmangshmërisht do të triumfojë.
Në këto 30 vite tranzicion besimi publik në sistemin gjyqësor kishte humbur, sepse sistemi gjyqësor dhe institucionet e tij në Shqipëri ishte një sistem antipublik.Publiku ka besim te SHBA-të dhe te Reforma në Drejtësi si reformë e mbështetur fort nga SHBA-të. Kjo Reformë ka miratimin dhe besueshmërinë edhe të publikut per kthimin e besimit te drejtësia dhe te zbatimi i drejtësisë, Reformë që do e ndan Shqipërinë nga tranzicioni.
