Në lagjen nr.11 pranë Maozeleumit të Dëshmorëve ka ndodhur një aksident, ku një efektiv i Policisë Rrugore është përplasur nga një automjet.
Nga përplasja efektivi është dëmtuar lehtë në njerën këmbë. Aktualisht ai është në spital për të bërë një grafi të këmbës.
Mësohet se punonjësi i Rrugores është përplasur nga pas teksa menaxhonte qarkullimin rrugor.
Burime nga policia bëjnë me dije se efektivi Gentian Hoxholli ka marrë dëmtime të lehta për shkak të përplasjes.
Si pasojë, ai është dërguar menjëherë në spital dhe ndodhet jashtë rrezikut për jetën.
Durrës/Informacion paraprak
Rreth orës 19:45, në lagjen nr. 9 Durrës, automjeti me drejtues shtetasin R. A, është përfshirë në një aksident me këmbësorin, shtetasin G. H, (punonjës policie) i cili është në spital, në kujdesin e mjekëve.
Drejtuesi i automjetit shtetasi R. A, është shoqëruar në Komisariatin e Policisë Durrës, për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të aksidentit.
