Prej tre ditësh mediat dhe gazetarët shqiptarë kanë ndërmarrë një fushatë të fortë anti-amerikane.
Çuditërisht, në emër të sovranitetit dhe në krye të kësaj fushate anti-amerikane janë ata që:
-heshtën kur Berisha i dhuroi Greqisë 6 milje hapësirë detare në detin Jon.
-heshtën kur Berisha i dhuroi Greqisë politikisht Himarën duke kandiduar Fredi Belerin në aleancë me partinë greke.
Firma “Affinity Partners” e Jared Kushner, dhëndër i ish-presidentit amerikan dhe kandidatit aktual republikan, Donald Trump, po projekton tre investime në zhvillimin e pronave në Ballkan që mund të kalojnë 1 miliard dollarë.
Mes këtyre projekteve zë pjesë edhe Shqipëria. Firma me bazë në Miami ka në plan të transformojë ishullin e Sazanit, që më parë ishte një bazë ushtarake, në një komunitet luksoz të markës “Aman”.
Praktikisht e gjithë Europa po analizon këtë lëvizje gjeopolitike si kthesë e madhe në Ballkan.
Natyrisht që Europa është xheloze në çdo investim strategjik amerikan në rajon.
Në Serbi opozita po akuzon Vuçiçin si tradhtar sepse leja e ndërtimit për hotelet që do ndërtoi familja Trump është miratuar pikërisht në godinat që bombardoi NATO dhe avionët amerikanë gjatë luftës në Kosovë.
Atje ku do ndërtoj kompania amerikane e Kushner janë godinat e bombarduara të Ministrisë së Mbrojtjes dhe Rendit të Serbisë së Milosheviçit.
Simbolika diplomatike e Beogradit zyrtar është më i madh se investimi ekonomik.
Ndërkohë Tirana zyrtare po i jep fund dilemave shekullore të një Shqipërie të shekullit kaluar mes Lindjes dhe Perëndimit.
Sazani dhe Vlora përfundimisht bëhen baza dhe porta amerikane në udhëkryqin Ballkanik.
Rëndësia diplomatike ka dimension shekullor më të madh se rëndësia turistike.
Pa dyshim që investimet e huaja duhet jenë prioriteti i të ardhmes së Shqipërisë turistike e cila në këto vite është zhvilluar në mënyrë primitive nga oligarkët provincial shqiptar që jo vetëm s’kanë asnjë vision, por janë bërë pengesë për investimet e huaja.
Nëse ka një vendim historik të shtetit shqiptar për turizmin është ky i zhvillimit të Sazanit.
Përfundimisht ne shpëtum Sazanin nga hajdutët shqiptarë.
Sazani ishte i rrezikuar nga ndonje “investitor strategjik” komik dhe tipik politik.
Më mirë në Sazan të investojë familja Trump sesa kunatat apo dhëndurët e deputetëve shqiptarë apo nipat dhe tezet e ministrave të qeverisë Rama.
Shqipëria me aktin e amerikanizimit të Sazanit, përfundimisht i vuri kufirin tek thana Moskës e cila ka pushtuar me imvestime ruse të gjithë Mesdheun, duke filluar nga Turqia deri në Greqi, Mal të Zi, Kroaci etj.
I vetmi ishull i Shqipërisë nuk mund të shndërrohej as në Bathore ndërtimesh pa leje “toke e xanun”, por as në Himarë ku lejet e ndërtimit t’i miratojë Athina.
Sazani duhet jetë garancia amerikane për të ardhmen dhe paqen e dy shtetve shqiptare në Ballkan.
Ata që janë kundër kanë hall që Rama mos sigurojë mbështetje edhe nga presidenti i ardhshëm amerikan Donald Trump.
Në fakt Sazani i amerikanizuar do të mbijetojë pas këtij investimi edhe kur Rama apo Trump të kenë vdekur pas disa vitesh.
