Ballina Politika Vizitë e Ambasadorit të Bullgarisë në bashkinë Shijak, Elton Arbana tregon detaje...

Vizitë e Ambasadorit të Bullgarisë në bashkinë Shijak, Elton Arbana tregon detaje nga takimi

129
0

Kryetari i bashkisë së Shijakut, Elton Arbana ka treguar mbi takimin me Ambasadorin e Bullgarisë, Z.Ivaylo Kirov.

Ai shprehet: “Sot kisha kënaqësinë të mirëprisja për një vizitë zyrtare Shkëlqesinë e tij, Ambasadorin e Bullgarisë, Z.Ivaylo Kirov së bashku me Znj. Dimitrina Temelkova Zv. shefe e misionit, Z.Valeri Hristov Ministër fuqiplotë, Z.Asen Pacev, Këshilltar, Z. Miroslav Milanov, Përfaqësues tregtar dhe ekonomik pranë ambasadës, Znj. Miranda Mansaku, drejtore e shoqatës “Udhëtim i lirë”, Znj. Yordanka Ivanova, përkthyese.

Bëra një pasqyrim të përgjithshëm të situatës së Shijakut pas tërmetit si dhe fokusimin drejt agrobiznesit në fshatrat tona që kanë një potencial shumë të madh turistik.

Ambasadori theksoi rritjen e numrit të turistëve bullgarë nga viti në vit.
Diskutuam për projektet e përbashkëta që mund të realizojmë në dobi të qytetarëve.

Qyteti i Shijakut do të jetë në binjakëzim me qytetin Karnobat të Bullgarisë, ku do të kemi më shumë bashkëpunime kulturore në të ardhmen mes dy qyteteve.