Të paktën tre persona kanë vdekur dhe shtatë janë të zhdukur pasi një varkë me emigrantë u përmbys në brigjet e Spanjës jugore në Mesdhe, tha sot shërbimi i shpëtimit detar i Spanjës.
Agjencia tha se një tjetër anije dërgoi një telefonatë fatkeqësie kur pikasi anijen e zezë gjysmë të zhytur në ujë në jug të Kepit Sakratif në qytetin Motril.
Ekipet e shpëtimit gjetën pesë pasagjerë në bord, tre prej të cilëve ishin të vdekur. Dy të mbijetuarit u transportuan me helikopter në spital dhe ndodhen në gjendje të rëndë, duke vuajtur nga hipotermia. Të mbijetuarit i thanë personelit të shpëtimit se gjithsej në bord ishin 12 kur anija u largua nga Algjeria 6 ditë më parë.
Kjo nxiti një operacion kërkimi për shtatë personat që besohet se ishin të zhdukur. Data dhe vendi i zhdukjes së tyre është i paqartë, tha agjencia. Agjencia shtoi se një avion i Frontex po ndihmon përpjekjet e kërkim-shpëtimit, të cilat pengohen nga erërat e forta.
