Shqiptari Klejdi Kazani është arrestuar nga policia britanike pasi është kapur duke tregtuar kokainë me vlerë prej 1 milion paund.
24-vjeçari raportohet se është dënuar me shtatë vite heqje lirie në maj të 2022-shit, pasi gjatë momentit të arrestit iu gjet edhe një arrmë zjarri e llojit pistoletë dhe municione.
Dëshmitë e marra nga telefoni i Kazanit zbuluan se para arrestimit ai kishte furnizuar me rreth 14 kilogramë kokainë dhe kanabis shumë bashkëpunëtorë.
Kazani dhe grupi i tij i krimit, i përbërë nga bashkëqytetarë shqiptarë dhe një shtetas bullgar, u hetuan nga oficerët e Partneritetit të Krimit të Organizuar të Londrës, një bashkëpunim midis Agjencisë Kombëtare të Krimit dhe Shërbimit Policor Metropolitane. Bashkëpunëtorët e Kazanit, përfshirë Emil Spasovin, u dënuan për vepra penale të drogës.
