Kryetari i Partisë së Lirisë, Ilir Meta ka zhvilluar pasditen e sotme një takim në zonën e ‘Astirit’.
Me anë të një mesazhi në rrjetet sociale, sekretari i Përgjithshëm i Partisë së Lirisë, Tedi Blushi shkruan se, gjatë këtij takimi janë prezantuar ‘5 prioritetet kryesore të Partisë së Lirisë dhe mbi 20 nismat tona në Këshillin Bashkiak të Tiranës për uljen dhe heqjen e një sërë taksash dhe tarifash, që kanë shtuar koston e jetesës’.
Mesazhi i plotë i Sekretarit të Përgjithshëm i PL-së, Tedi Blushi:
Takim në ‘ASTIR’ për të prezantuar 5 prioritetet kryesore të Partisë së Lirisë dhe mbi 20 nismat tona në Këshillin Bashkiak të Tiranës për uljen dhe heqjen e një sërë taksash dhe tarifash, që kanë shtuar koston e jetesës.
Në vitin 2024 në ‘ASTIR’ nuk ka shkolla, nuk ka çerdhe, nuk ka ujë të pijshëm 24 orë, nuk ka rrugë të shtruara, nuk ka infrastrukturë, nuk ka rrjet kanalizimesh, nuk ka hapësira të gjelbra, nuk ka kënde lojrash për fëmijë, nuk ka shërbime dinjitoze edhe pse banorët e mrekullueshëm i paguajnë rregullisht taksat!
Nuk mund të vazhdohet më kështu!
Partia e Lirisë dhe ne këshilltarët bashkiakë në Tiranë do të bëjmë gjithçka për të sjellë një frymë të re Ndryshimi në ‘ASTIR’ dhe për t’u garantuar qytetarëve të mrekullueshëm të kësaj njësie shërbimet dinjitoze që meritojnë!
