Shumica e njerëzve ngarkojnë postime dhe komente në mediat sociale pa i ditur vërtet pasojat që mund të kenë për veten, familjen, fëmijët e mitur dhe miqtë e tyre. Publikimi i shumë informacioneve për jetën personale të njerëzve i ekspozon ata ndaj një sërë rreziqesh.
Për të folur mbi këtë temë e ftuar në një studio televizive, gazetarja Rashela Shehu u shpreh se këto publikime sjellin vërtet rreziqe.
Shehu theksoi gjithashtu se një ndër rastet që i kishte bërë përshtypje ishte e një nëne e cila kishte publikuar vajzën e saj të mitur dhe kuptoi se këto video të vajzës i shihni më së shumti burra dhe djem.
“Diçka tjetër që më ka bërë shumë përshtypje, unë nuk kam Tik Tok por e kam shkarkuar aplikacionin për shkak të punës. Më tërhoqi vëmendjen shumë një video që kishte publikuar një mama, e cila në faqen e saj publikonte kryesisht përmbajtje dhe video të vajzës së saj të vogël. Dhe një ditë kishte parë për kureshtjen e saj se cilët janë këto persona që e arkivojnë dhe kishte parë që pjesa dërrmuese ishin burra dhe djem dhe ajo në mënyrë urgjente kishte fshirë të gjitha fotografitë”, tha Shehu.
