Jetmir Daci, shoferi i cili humbi kontrollin e makinës dhe përplasi 4 persona në një servis që ndodhet ne anë të rrugës Prrenjas- Qafë Thanë, pasi ishte në gjendje të dehur, është arrestuar ditën e sotme nga policia.
Përmes një komunikate zyrtare blutë njoftojnë se 44-vjeçari nga Dibra akuzohet për veprën penale “Shkelja e rregullave të qarkullimit rrugor”.
“Në vijim të veprimeve të thelluara hetimore dhe procedurale të kryera për zbardhjen e rrethanave të aksidentit të ndodhur më datë 08.04.2024, në aksin rrugor “Prrenjas-Qafë Thanë”, ku si pasojë mbetën të dëmtuar 4-shtetas, specialistët e Sektorit të Policisë Rrugore kanë ndaluar me iniciativë shtetasin J. D., 44 vjeç, banues në Peshkopi, për veprën penale “Shkelja e rregullave të qarkullimit rrugor”,-njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
