Kreu i Partisë Demokratike, Lulzim Basha në një konferencë për gazetarët u ndal edhe tek iniciativa e Gazment Bardhit, që riktheu në Grupin Parlamentar Sali Berishën dhe disa të përjashtuar të tjerë.
Basha u shpreh se kjo përpjekje synon ta bëjë pis Partinë Demokratike dhe persona të shpallur ‘non grata’ për korrupsion s’mund të jenë pjesë e PD, duke iu referuar Berishës.
“Kjo përpjekje synon ta bëjë pis Partinë Demokratike. Tentohet goditja e shpresës së shqiptarëve për ndryshim duke shkatërruar një standard.
Persona të shpallur non-grata për korrupsion s’mund të jenë pjesë e PD. Motivet janë të qarta, Rama ka lidhur aleancë me Sali Berishën.
Ky i fundit është një nevojtar që ka kapur dorën e shtrirë të Ramës për shkak të problemeve që ka me SPAK. Kjo është sinergjia që i lidh bashkë”, – tha Basha.
