Sinoptikania Lajda Porja bën me dije se fundjava do të sjellë temperatura tejet të larta, duke bërë që vendi të përfshihet nga vala e të nxehtit.
“Presim temperatura të larta, sot 31, e shtuna e diela 33 gradë, java e shkuar, përfshirë edhe fundjavën mund të quhet valë të nxehti, sepse temperaturat janë 13 gradë më të larta se norma e muajit prill”, tha Porja.
Por nga vera sinoptikanët parashikojnë të kalojmë në pranverë dhe pas të shkojmë në dimër.
“Do nisi si pranverë; e hëna e marta dhe e mërkura me rënie të temperaturave deri në 25-26 gradë,
Nga e enjtja dhe deri në fundjavën e ardhshme tipare dimri. Të martën dhe të mërkurën do kemi reshje shiu ku do ketë shpesh edhe rrebeshe, sidomos e mërkura.
Të enjten dhe të premten do kemi rishfaqjen e dëborës në zonat malore, sepse termometri në mëngjes do jetë 0 dhe -1 gradë në shumë zona përgjatë kufirit lindor”, tha Porja.
Dhe pas një jave me të 4 stinët të përfshira, parashikohet që moti të stabilizohet në javën e katërt të prillit, ku do të kemi edhe temperatura tipike të stinës dhe herë pas here reshje shiu.
