Dy femra janë përfshirë në një sherr fizik në qytetin e Fierit, paraditen e kësaj të hëne.
Policia thotë se ka nisur procedim penal për një 49-vjeçare, e cila dyshohet se ka goditur me gërshërë një shtetase tjetër për motive të dobëta.
“Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi në gjendje të lirë për shtetasen G. Ç., 49 vjeçe, banuese në Lushnjë, pasi ka dëmtuar lehtë, me mjet prerës (gërshërë), një 52-vjeçare, për motive të dobëta”, informoi sot policia e Fierit.
Autoritetet pohojnë se si pasojë e sherrit ka mbetur e lënduar një 52-vjeçare, por pa rrezik për jetën. Grupi hetimor ka nisur punën për sqarimin e rrethanave të ngjarjes.
