Një grup militantësh mbështetës të Rithemelimit dhe e Partisë së Lirisë protestuan sërish sot para bashkisë së Tiranës. Protesta e cila zgjati mbi një orë u shoqërua me momente tensioni. Të prirur nga përfaqësues të Rithemelimit dhe Partisë së Lirisë, Flamur Noka – bashkëpunëtori i ngushtë i Sali Berishës – dhe Sekretari i Përgjithshëm i PL-së, Tedi Blushi militantët u përplasën me policinë duke kërkuar heqjen e gardhit metalik.
Këshilltarët e djathtë bashkiakë kërkuan të hyjnë në godinë por nuk lejohen nga policia e cila është vendosur gardh para derës.
Pak minuta më parë drejt derës së bashkisë u hodhën molotovë dhe tymuese. U desht ndërhyrja e policisë me bombola kundra zjarrit për të shuar flakët.
