Partizani triumfoi në derbi ndaj Dinamos me rezultatin 2-0, në ndeshjen e vlefshme për javën e 32-të në Superiore.
Të kuqtë, e mbyllën pjesën e parë në avantazhin e një goli, pasi shënoi Bintsouka në minutën e 30-të.
Dominim absolut nga të kuqtë, por në fundin e pjesës së parë, rrezikuan barazimit.
Pano Qirko bëri heroin, duke pritur penalltinë e Denisson, për ta mbajtur portën e paprekur.
Pjesa e dytë foli e gjitha për skuadrën e Shehit, kjo edhe për shkak se nga minuta e 47-të, luajtën me një lojtar më shumë, pasi Gudiabi u ndëshkua me të kuq.
Keko mbylli llogaritë, duke shënuar edhe të dytin në minutën e 70-të. Me këtë fitore, Partizanin mban vendin e tretë me 51 pikë, ndërsa Dinamo mbetet në vendin e pestë me 46 pikë.
Sfida mes Teutës dhe Vllaznisë, nuk prodhoi fitues, teksa u mbyll në barazim pa gola.
Një ndeshje, ku rastet për shënim ishin të pakta, por polemikat nuk munguan. Shkodranët kishin pretendime për dy penallti, në minutën e 13-të, për prekje me dorë dhe në minutën e 86-të, për një ndërhyrje të portierit Vata ndaj Ajdarevic.
Megjithatë, në të dyja rastet arbitri Laver Alla, lejoi vazhdimin e lojës dhe nuk rishikoi rastet në VAR.
Me këtë barazim, Vllaznia mban vendin e dytë me 52 pikë, ndërsa Teuta mbetet në vendin e tetë me 38 pikë.
