53-vjeçari Artan Muçmata, banues në Tiranë është ndaluar nga policia nën akuzën se ka akte dhune gjatë protestës së opozitës më datë 19.04.2024 përpara Bashkisë Tiranë. Sipas njoftimit, 53-vjeçari ka kundërshtuar dhe ka ushtruar dhunë ndaj punonjësve të policisë. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë.
Njoftimi i policisë:
Tiranë
Në vijim të veprimeve hetimore të kryera në lidhje me aktet e dhunshme gjatë protestës së datës 19.04.2024, përpara Bashkisë Tiranë, u ndalua shtetasi A. M., 53 vjeç, banues në Tiranë.
Gjatë protestës, 53-vjeçari ka kundërshtuar dhe ka ushtruar dhunë ndaj punonjësve të Policisë. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë.
