Nga Artur Llana
I njohur për propgandën e tij , madje dhe kur mashtron dhe gjen njerëz për t’a justifikuar dhe kur vjedh dhe gjen njerëz për t’i burgosur, në sytë e gjithë shqiptarëve, ai bëri atë që di të bëjë, kur e ndjen se po i laget menderja.
Kishte ftuar Mark Markun në një hapësirë që i kujtoi edhe ironinë e emrit të profesorit, po edhe arrogancën e të qenurit kryeministër. E beri siç di ai të bëj, e bëri me një mercenar që nuk di se ku është në politikë , Rithemelim apo i pavarur në PS.
Podcasti i tij i fundit ishte dhe një turp jo vetëm se i kërkoi falje Mark Markut, në fund të fundit një professor, po edhe e keqpërdori atë për të thënë se i kishte mbetur njollë fjala “kazan:”, që ai përdori ca vite më pare për median.
Nuk di as kulisat që e çuan profesorin në atë podcast po as edhe pse Rama zgjodhi atë për të kërkuar falje për “kazanin”.
Nuk di pse i interesonte Ramës për të ditur se pse e dorëzoi Mark Marku mandatin, pse kishte ikur nga Rithemelimi , pse kishte përkrahur dhe kundërshtuar Bashën. Nuk di pse sajoi një debat të pështirë si “gazetar” tashmë për të thënë të gjitha ata që Mark Marku i ka thënë në shumë emisione. Nuk bëri asnjë zbulim të ri. Thjeshtë tregoji që është një burracak që tentoi të tregoj se heq dorë nga arroganca, po në fakt thjeshtë tregoi që është gazetaruc, që ka prodhuar në hijen e pushtetin endacakun më të madh të pushtetit që kërkon kazanëve.
Nuk e gjykoj profesorin pasi ai ka treguar dinjitet, që kur e la mandatin, ai ka treguar dinjitet edhe në përballjen me Ramën.
Më vjen turp mua, si gazetar prej 30 vitesh, se si mund të shpërfytyrohet një kryeministër duke kërkuar falje për atë që në fakt i ka bërë gazetarëve, vetë ai dhe administrata që ai ka krijuar.
Nuk ka asgjë për të kujtuar, asgjë për të dyshuar dhe asgjë për të vërtetuar. Në fillesat e tij kur deklaronte se nuk keni parë asgjë akoma, ai lëshoi edhe fjalën “kazan” për mediat, kuptohet për ata që ishin kundër tij.
E gjitha kjo ka ndodhur dhjetë vite më parë dhe u desh Mark Marku që ai të ndryshonte mendje, që ai të kërkonte falje se i kishte ngelur një njollë kjo që kishte thënë dhe nuk e bënte krenar.
Për herë të parë kryeministri dy metra i gjatë u tregua një trumcak në vend që të dukej si produkt i një ngjale politike siç erdhi në pushtet nga Gjiri Lalëzit. I tha profesor Markut se “kazani” i kishte ngelur një njollë.
Në fakt jo atij. As arrogancës së tij, as hakmarrjes së tij, sepse ka ndryshuar nga të gjitha këto. Ai turpësisht i është turrur bulevard news, gazetës bulevard dhe tv bulevard me hijenat e tij, me drejtorë, me patrozhonistë, me deputetë dhe kryebashkiaken që ka ca kusure me lekët e rindertimit, po jo vetëm kaq.
Ai si mjeshtër i mashtrimit, si mjeshtër i arrogancës, si mjeshtë i atyre që shurrojnë në brekë kur e shohin, si mjeshtër i atyre që i vendos në detyrë dhe për të ruajtur menderen e tij i plas në burg , nuk ka asnjë njollë për kazanin mediatik.
As është penduar për atë që ka thënë. Që e tha dihet, që të kishte bërë seleksionim, që ka hequr dorë e ka kuptuar se duke deklaruar kazanin ka copëzuar formimin dhe ushtrimin e pushtetit te tij në mijëra kazanë.
Si mjeshtër që është, ai tentoi pikërisht me profesorin që nuk e mirëkupton kurrë, se njolla nuk është e Ramës.
Kryeministri i vendit kur të gjithë menduan se do të bënte ndryshe në këtë vend, akuzën e parë ja bëri medias: Kazan kush shan ministrat e mi, të emëruarit e mi, administratën time, deputetët etj.
Tullumbacja që nuk keni parë gjë nuk është shfryer se ende nuk ka mbaruar fryerja. Ai është kryeministri që ka më shumë njerëz në burg. Gënjen, kur këtë ja dedikon drejtësisë. Ai është kryeministri që vjedh me njerëzit që i çon para drejtësisë. Madje deri në kriminelë.
Ai u detyrua të pendohet për fjalën “kazan” drejtuar medias. Është ajo që po e shpartallon. Për herë të parë tani kryeministri ka kuptuar duke bërë gazetarin që nuk është ajo kazan, po kazanët i ka në administratë. Ka kazanë në polici që shesin lajme dhe fshehin krimin, ka kazan në konvalishecë ku romë përmeti që mbrohen nga djali i tezes Taulant Ballës, Ahmet Doda, ka kazan në spital ku drejtori Ani Dyrmishi, e kthen spitalin në një vagon treni, ka kazan në institutin e Monumentëve me Amarildo Reçin që e punësoi Rama si djali i Bimit në një miting, ka kazan në OSHEE, Arjan Zakën, ka kazan në Ujësjellës, Ton Bashën, ka kazan në prokurori Gëzim Veizin, ka kazan deputetë që blejnë 100 euro adresa me like për ti bërë qoka njëri -tjetrit.
Mblodhi romë përmeti , mblodhi palaço durrësi, mblodhi burgaxhinj varrezash dhe tani duke e parë që janë kthyer të gjithë në një kazan e kuptoi që duhet të kërkoj falje. Nuk ka lidhje me atë që ke thënë se media është kazan, kjo është një njollë që kjo lloj shoërie edhe ta heq , turpi është se i ke dhënë akses administratës tënde që i paguajnë shqiptarët për të luftuar median me adresa fallca që edhe prokurori Veizi nuk i gjen dot. Ti e heq njollën duke ikur, po këta si do ta heqin me ikjen tënde, kur kanë masakruar gazetarë, familjarë të tyre, fëmijë të tyre.
Më vjen mirë që gjete profesorin për të kërkuar ndjesë. Po ndjesa jote është te qindra e mijëra qytetar që enden përditë dyerve të institucionëve. Thjeshtë mandatet po të kthejnë në një kazan të madh Kryeministër!
E fundit që kisha me “faljen “ tënde është se ke kohë që thua se përgjegjësia është personale kur vjen puna për zagarët e pushtetit që arrestohen. Po sikur ata që na fyejnë si gazetarë, na fyejnë fëmijët dhe familjen, po ata që sillen si kriminel të medias ndaj nesh dhe marrin rrogën në shtet, prej teje, prej orientimit tënd, ta kthejmë edhe ne në përgjegjësi personale!
