Llakaj është një nga aktorët që ka dhuruar kontribute shumë të mëdha për artin në Shqipëri duke sjellë të qeshura pafund në shtëpitë e çdo shqiptari.
Fillimet artistike i ka në shtëpinë e kulturës së Memaliajt nga viti 1978 deri në 1987, si këngëtar dhe parodist.
Më vonë u bë i njohur në zhanrin e imitimit, zakonisht duke imituar komentatorët e futbollit dhe folësit e lajmeve po aq sa edhe emra të mirënjohur nga ekrani dhe humori.
Ai njihet për imitimin e personaliteteve politike si Sali Berisha, Alfred Moisiu, Rexhep Mejdani, e shume personazhe te tjere.
Llakaj ka një galeri të pasur të personazheve me humor, si Xha Temja, Aneja, Jorgaq fotografi, Sul agjenti, Fiqo, Visho, e të tjerë.
Ai u dekorua në 2010 nga Presidenti Bamir Topi, me titullin “Mjeshtër i Madh”.
Agron Llakaj lindi në qytetin e Memaliajt të qarkut të Gjirokastrës më 24 prill 1960. Ai përfundoi shkollimin e lartë në Akademia e Arteve në Tiranë mes viteve 1987 dhe 1991.
