Në një postim në rrjetet sociale Igli Cara është shprehur se po falimentojnë sektorët prodhues të fasonëve; bujqësia e blegtoria; profesionet e lira; bizneset e vogla. Ai ka marrë shkas nga një kronikë televizive lidhur me sektorin e peshkimit, ndërsa është shprehur se edhe sektorë të tjerë po falimentojnë
Postimi i Igli Carës
Po falimentojnë!
Po! Kjo është e vërteta e madhe e peshkatarëve.
Por, nuk janë të vetmit!
Po falimentojnë sektorët prodhues të fasonëve; bujqësia e blegtoria; profesionet e lira; bizneset e vogla.
“Partnerēt” e qeverisë, aq të dashur në kohë fushate, po varfërohen e falimentojnë çdo ditë.
Rama mburret dhe flet për sektorin e turizmit, duke anashkaluar më të rëndësishmen. Hallkat e këtij zinxhiri duhet të plotësohen nga produktet vendase, si: peshku, mishi, qumështi, perimet e frutat.
Për ironi të fatit, të gjithë këta sektorë mbulohen përgjatë gjithë vitit me produkte importi në masën 90%.
Pra, fitimi që trumbetohet nga KM nuk shkon për prodhuesit shqiptarë, por për ata importues.
Mjafton t’ju rikujtoj, që qumështi pluhur që importohet është afersisht 4000 ton në vit x 11 litra ujë.
E njëjta gjë ndodh me peshkun e produktet e tjera.
“Partnerë” vetëm muajin e fushatës, pastaj zëvendësohen me miqtë e Ramës!
