Mbërritja e disa avionëve sportivë nga Italia dhe Kosova si dhe 50 parashutistëve italianë çelën sezonin turistik në aerodromin e Gjirokastrës.
Gjatë fundjavës në këtë aerodrom janë zhvilluar fluturime me avionë sportivë dhe hedhje me parashutë, aktivitete, të cilat tërhoqën vëmendjen e turistëve dhe banorëve të qytetit të gurtë.
“Është viti i tretë që vijmë organizojmë aktivitetin e parashutizmit në Gjirokastër dhe kërkesat nga të huajt rriten gjithmonë dhe më tepër dhe prezenca e parashutistëve kësaj radhe është akoma e shumtë, do vijnë përsëri parashutistë të tjerë në momentin që do të ketë më shumë shërbime që i ofrohen këtij aerodromi”.
Tashmë Gjirokastra do të mirëpresë edhe turistët nga Kosova të cilët preferojnë të fluturojnë me avionët e vegjël.
“Është vështirë të jepet një numër këtij interesimi potencial por duke marrë parasysh numrin e madh të kosovarëve që vijnë në Shqipëri për pushime, për wekend, për festa është shumë reale të pritet që numri i të interesuarve me ardhë në vijë ajrore të jetë i madh”-theksoi Dukagjin Maxhuka.
“Në aspektin e aviacionit të përgjithshëm besoj që Gjirokastra ka vendin e vet dhe do të ketë sukses
-Pra do të vijnë turistë nga Kosova?
Unë shpresoj që po”-theksoi Bujari Gosalici.
Gjirokastra përzgjidhet nga turistët italianë si dhe shtetet e tjera që janë të apasonuar pas fluturimit dhe dëshirojnë të vizitojnë Jugun e vendit.
“Për zhvillimin e turizmit në Jug të Shqipërisë, aeroporti i Gjirokastrës është vendi perfekt sepse ndodhemi pak minuta larg Sarandës, Butrintit, Syrit të Kaltër, kështu që janë vende të mrekullueshme, që turistët jo vetëm Italianë por edhe nga vendet e tjera mund të fillojnë ti vlerësojnë”-tha Masimiliano Chiani.
“Unë ndodhem këtu në aerodromin e Gjirokastrës për të provuar emocionet që ofrojnë sportet e ajrit, ju rekomandoj të gjithëve që të vijnë këtu”
Prej dy vitesh aerodromi i Gjirokastrës është çertifikuar për fluturimet dhe aktivitetet turistiko-sportive ndërsa synohet të shndërrohet në një nyje të rëndësishme për zhvillimin e turizmit në Jug të Shqipërisë.
