Kryeministri Kurti përmes një postimi në platformën X ka bërë me dije që ka pasur një telefonatë me kancelarin Scholz.
Ai tha se ka mbështetjen e Gjermanisë për integrimin e Kosovës në organizatat ndërkombëtare.
Kurti gjithashtu kërkoi nga ai mbështetje për anëtarësim në KiE.
“Në një bisedë me Kancelarin Scholz, shpreha mirënjohjen për mbështetjen e vazhdueshme të Gjermanisë për Kosovën dhe nënvizova shpresën që Gjermania do të mbështesë kandidaturën tonë në Këshillin e Evropës në përputhje me rekomandimet e PACE. Po ashtu, rikonfirmova angazhimin tonë për zbatimin e plotë të Marrëveshjes Bazë”, ka shkruar Kurti.