Gjykata Themelore në Ferizaj ka dënuar me 17 vite burg Qëndrim Januzin, vëllain e reperit Buta, për vrasjen e Gazmend Hysenit në maj të 2022-ës në Ferizaj.
Kujtojmë se ngjarja e rëndë ka ndodhur në maj të 2022, ku Januzi, vrapon dhe qëllon për vdekje 30-vjeçarin, ish-mik i tij dhe shok i reperit të njohur Fero.
Ai shtyn një nga shokët me të cilin ishte “Shenjestra” dhe e qëllon 7 herë. Më pas largohet sërish me vrap nga vendi i ngjarjes, ku rastësisht ndodheshin dhe policë, të cilët po merrni ujë në market.
Ende nuk dihen arsyet që çuan vëllain e artistit, Qëndrimin të vriste 30-vjeçarin e njohur me nofkën ‘Strella’.
Vendimi i Gjykatës:
Gjykata Themelore në Ferizaj – Departamenti për Krime të Rënda, ka shpall aktgjykim dënues ndaj të pandehurit Q.J., për shkak të veprave penale vrasja nga neni 172; mbajtja në pronësi, kontroll ose posedim të paautorizuar të armëve nga neni 366 paragrafi 1 të Kodit Penal të Republikës së Kosovës (KPRK).
Departamenti për Krime të Rënda, përkatësisht trupi gjykues, pas mbajtjes së shqyrtimit gjyqësor dhe administrimit e të gjitha provave personale dhe materiale, të pandehurin Q.J., e shpalli fajtor dhe të njëjtin e gjykoi për veprën penale vrasja nga neni 172 të Kodit Penal të Republikës së Kosovës (KPRK) me dënim burgimi në kohëzgjatje prej gjashtëmbëdhjetë (16) vjet.
