Ballina Sport Fitorja me Romën, Granit Xhaka: Duhet të shënonim më shumë gola

Fitorja me Romën, Granit Xhaka: Duhet të shënonim më shumë gola

149
0

Pas fitores 0-2 kundër Romës në gjysmëfinalen e parë të Europa League, mesfushori i Leverkusen, Granit Xhaka tha se të tijtë duhet të shënonin më shumë në “Olimpico” për të qenë më pranë finales. Megjithatë ai kërkon t’i mbajë të tijtë me “këmbë në tokë” duke thënë se nuk ka mbaruar asgjë.

“E dinim që ishte një ndeshje e vështirë, por ne luajtëm mirë. Është për të ardhur keq që nuk shënuam më shumë gola. Kemi bërë një hap të rëndësishëm, por e dimë forcën e Romës prandaj duhet të tregohemi të kujdesshëm. Finalja është afër, por e dimë që nuk ka mbaruar asgjë akoma”, tha Xhaka.

Ndeshja e kthimit zhvillohet të enjten që vjen në Gjermani.