Disa mijëra qytetarë sllovakë u mblodhën në kryeqytetin Bratisllavë për të protestuar ndaj reformës për shërbimet publike radio-televizive, që sipas kritikëve do të bëjë që qeveria të marrë nën kontroll sektorin mediatik.
“Ne po u tregojmë të gjithëve se nuk do të lejojmë që liria jonë të rrëmbehet, se nuk do të heqim dorë nga Sllovakia që duam dhe se nuk do të lejojmë kryeministrin Fico ta çojë vendin jashtë Evropës, diku në Rusi. Ne nuk do ta lejojmë këtë dhe do të qëndrojmë këtu”, deklaroi Michal Šime?ka, kryetar i partisë Sllovakia Progresive.
Koalicioni qeverisës i kryeministrit populist Robert Fico aprovoi masën në fjalë më 24 prill dhe Parlamenti, ku qeveria e tij gëzon shumicën, pritet ta aprovojë atë në qershor.
Plani është kritikuar gjerësisht nga presidentja Zuzana ?aputová, gazetarët vendas, opozita, organizatat mediatike ndërkombëtare dhe Komisioni Evropian.
Ndryshimet e propozuara parashikojnë që transmetuesi publik RTVS të mos ekzistojë më dhe të zëvendësohet nga një organizatë e re.
