Atalanta ka arritur të fitojë ndaj Marseille me shifrat 3-0, me një rezultat të përgjithshëm 4-1.
Italianët shënuan me Lookman, Ruggeri dhe Toure, duke bërë kështu të mundur të marrin biletën e finales së Europa League.
Sukses i jashtëzakonshëm dhe i merituar edhe për Berat Gjimshitin, kapitenin e kombëtares shqiptare, i cili realizoi një tjetër ndeshje të madhe, teksa në finale do të përballet me Granit Xhakën.
Për sa i përket notës, Gjimshiti u vlerës me 7.5 nga faqja e specializuar e statistikave “Sofa Score”, duke regjistruar 40 pasime të sakta si dhe fitoi 9 nga 11 duelet me kundërshtarët.
Nga ana tjetër, Leverkusen dhe Roma janë ndarë në barazimin 2-2, por rezultati i përgjithshëm ishte 4-2, duke bërë kështu që “Aspirinat” të marrin biletën tjetër të finales dhe të ndeshen ndaj Atalanta për trofeun e Europa League.
Kualifikim i vuajtur për Bajern Leverkusen, që arriti një barazim dramatik 2-2 ndaj Romës në frymën e fundit, falë triumfit 0-2 në ndeshjen e parë “aspirinat” e Ksavi Alonsos arritën në kualifikoheshin në finale.
Paredees realizoi dopietën për Romën nga pika e bardhe e penalltisë në minutat 43 dhe 66, ndërkohë që autogoli i Mançinit rikthehu festën në stadium. Goli i Stanisiç në minutën e 97-të falë asistit të Xhakës, shmangu humbjen e parë sezonale për skuadrën gjermane, që vazhdon të mbetet e pathyeshme. Vlen të theksohet fakti se finalja e Ligës së Europës do të zhvillohet më 22 maj në Dublin.
