Skenarët për të shtypur mbrojtjen ajrore të Rusisë duke u përqendruar te sistemet kundërajrore S-400 pritet të jenë në qendër të stërvitjes më të madhe ajrore të NATO-s në Evropë, e cila do të organizohet nga Greqia vjeshtën e ardhshme.
Dizajni i “Ramstein Flag 24” është në dorë të Forcave Ajrore të Greqisë dhe përgatitjet po ecin me ritme të shpejta. Takimi përfundimtar i Ekzekutivëve të NATO-s me oficerë nga 12 vendet që pritet të marrin pjesë në stërvitje do të zhvillohet në fund të muajit në Andravida, bazën ajrore që do të presë stërvitjen e madhe.
“Ramstein Flag 24” shënon një epokë të re në doktrinën mbrojtëse të NATO-s pas sulmit rus në Ukrainë dhe luftës në vazhdim. Mësimet nga lufta aktive dhe aftësitë e mbrojtjes ajrore ruse sjellin të dhëna të reja për Aleancën, e cila do t’i përdorë ato për të ndërtuar strategji për të ndalur me çdo mënyrë që të keë një epërsi ajrore të Kremlinit.
S-400-të rusë, të cilët tani Turqia i ka, janë arma më e fuqishme parandaluese që ka Moska kundër forcave ajrore të Perëndimit dhe për pasojë shkatërrimi i tyre është qëllimi i parë i Forcave të Aleancës. Një sistem armatimi i karakterizuar nga NATO si një faktor “mohues” dhe si një “objektiv kritik” për avionët aleatë.
Rrjedhimisht, taktikat e shtypjes së S-400 në të cilat do të fokusohet ndër të tjera “Ramstein Flag 24” dhe rezultatet e tyre janë me interes të menjëhershëm edhe për Greqinë organizatore, e cila synon të përgatisë skenarë se si të trajtojë dhe shkatërrojë S-400 që Turqia, aleat në NATO por armik i fjetur në kufijtë, zotëron.
Është jashtëzakonisht interesant fakti që Turqia është ndër shtetet që kanë deklaruar pjesëmarrjen në stërvitjen e madhe të NATO-s. Forcat Ajrore Turke, siç kanë zbuluar mediat greke pritet të marrin pjesë në stërvitje me 4 deri në 8 avionë luftarakë F-16, të cilët sipas planit të deritanishëm do të zbarkojnë së bashku me pjesën tjetër të avionëve aleatë në bazën e Andravidës. Forca Ajrore Turke është e vetmja brenda NATO-s që ka përvojë stërvitore me kundërajrorin S-400, ndërsa forcat greke njohin mirë sistemin S-300 që ka qenë pjesë e arsenalit të tyre që nga viti 1998.
Ushtria greke zotëron dy njësi artilerie S-300 PMU-1 me 12 lëshues dhe 96 raketa 48N6E1 , të cilat kanë një rreze angazhimi maksimale prej 150 kilometrash. Turqia, nga ana e saj, ka rënë dakord me Rusinë për të blerë katër sisteme artilerie S-400 për 2.5 miliardë dollarë, nga të cilat ajo ka marrë në zotërim të paktën dy. S-400 janë vendosur në afërsi të Ankarasë dhe tashmë sipas Shtabit Turk ato janë plotësisht funksionale.
Rrjedhimisht, merret si e mirëqenë se pilotët turq janë përballur me S-400 në skenarë stërvitjeje dhe kanë një ide për aftësitë e tyre. Sigurisht, konsiderohet e pamundur që ata t’i përcjellin NATO-s informacion për raketat ruse, por duket një paradoks që atyre do t’u kërkohet të stërviten në skenarë të ngjashëm në kuadër të “Ramstein Flag 24”.
Sipas NATO-s, në stërvitje do të marrin pjesë 140 avionë të forcave aleate, përfshirë luftëtarë, tanke fluturues, avionë spiunë dhe avionë transporti. Duke qenë se planifikimi i Aleancës parashikon që luftëtarët pjesëmarrës në “Ramstein Flag 24” do të jenë më modernët në arsenalin perëndimor me aftësi shumë të larta, forca ajrore greke pritet të ketë një prani të fortë me luftëtarët Rafale dhe 332 Fighter nga skuadrilja “HAËK”, F-16 Viper nga skuadriljet 343 luftarake “ASTERI” dhe 340 “FOX”.
Të gjithë luftëtarët kryesorë të Perëndimit do të fluturojnë në stërvitjen e madhe, duke përfshirë F-35 nga SHBA dhe Italia, Rafale dhe Mirage 2000-5 nga Franca, si dhe Gripen nga Suedia dhe Hungaria , Eurofighter Typhoon nga Spanja dhe Italia, F-18 po nga SHBA dhe F-16 nga Polonia, Portugalia, Rumania dhe Turqia.
“Ramstein Flag 24” përfshin një sërë skenarësh realistë të vështirësisë së lartë, me misione në të gjithë hapësirën ajrore dhe detare të Athinës, të cilat kanë të bëjnë me taktikat e integruara të mbrojtjes ajrore dhe raketore, si dhe skenarë stërvitje kundër kërcënimit të raketave balistike.
